නාග​ල ගම්මාන​ය

මොණරාගල දිස්ත්‍රික්කයේ බිබිල ප්‍රාදේශීය ලේකම් කොට්ඨාශයේ පිහිටි ඓතිහාසික ග්‍රාමයකි නයිනේවෙල හෙවත් වර්තමානයේ නාගල ග්‍රාමය. නාම මාත්‍රයෙන් හැඟී යන පරිදිම මෙම ග්‍රාමයට නාගයෙන් සමඟ ඓතිහාසික සබැදියාවක් පවතින බවට කරුණු රාශියක් ජනශ්‍රැති වල පවතීයි. නාගල විහාරය නාගල වැව ආදී ලෙස ව්‍යවහාර වන්නට වූයේ නාගල විහාරය සමීපයේ වූ ගල්තලාව හා සම්බන්ධ කතා ප්‍රවෘත්ති නිසාය. ඒවා ඉතා සිත් ගන්නා සුළුය. අවුරුදු 2500ක් තරම් ඈතට දිවයයි.

මෙම ගල්තලාව අභ්‍යන්තරයේ නාග මාලිගාවක් ඇති බවත් එම නාග මාලිගාව නාගයින් විසින් ආරක්ෂා කරන බවත් මෙම විහාරස්ථානයේ නාග ගෝත්‍රික භික්‍ෂුවක් සිටි බවත් දැන් භික්‍ෂුව කිසි දිනක අනෙක් භික්ෂූන් සමඟ දානය නොවලදන බවත් දානය පාත්‍රයට බෙදාගෙන කාමරයට ගොස් වළඳන නිසා ඒ පිළිබඳව කුඩා භික්ෂුවක් දොරේ යතුරු සිදුරින් බැලූ විට භික්ෂුව නාගයකු වී පෙනය පෙනයකර පාත්‍රයේ බත් පිඬු ගිලින බවත් දැක පසුව ඒ ආරංචි වී ලැජ්ජාවටට පත්ව භික්‍ෂුව මෙම ස්ථානයෙන් පිටවී කලේ සිදුරෙන් නාග ලෝකයට ගිය බවත් ජනශ්‍රැතියේ ඇත.

නාගල ග්‍රාම නිලධාරී වස​ම බිබිල ප්‍රධාන නගරයේ සිට 3km දුරින් පිහිටා ඇති අතර මෙම ග්‍රාම නිලධාරී වසමට අයත් ගම්මාන දහතුනකි. ඒම ගම්මාන පිලිවෙලින් මොලන්දෙණිය,දෙමටකැටිය,මල්බකිණිය,නාගල උතුර,දිග්ගොම්මන,නාගල දකුණ,කොරකහන,හේනයාලන්ද,සිකුරාලන්ද,කලවැල්ලන්ද,දඹකොටන්මඩ,ගම් වස්තුව,දෙමටඅත්තාවල වන අතර මෙම ගම්මාන වල සිටින ගම්වාසින්ගේ ජීවන තත්වය උසස් කිරීමට අවශ්‍ය පසුබිම සැකසීම මෙම BOC ගම්මා​න ව්‍යාපෘතියේ අරමුණ වේ.

නාගල පියරතන විද්‍යාලය අසල බස් නැවතුම්පල ඉදිකිරීම

නාගල ශ්‍රි පියරතන කනිෂ්ඨ විද්‍යාල​යේ සිසුන්ට සහ ගුරුවරුන්ට විශාල අඩුපාඩුවක්ව පැවති බස් නැවතුම්පල ලංකා බැංකුවේ ගම්මාන ව්‍යපෘතිය යටතේ ඉදිකර සිසුන්ගේ සහ ගුරුවරුන්ගේ ප්‍රයෝජනයට භාරදෙන ලදි.

ආරක්ෂාව සහ පහසුව: බස් නැවතුම්පොළක් නොමැතිවීම නිසා මීට පෙර ඔවුන්ට අව්වට සහ වැස්සට නිරාවරණය වෙමින් මාර්ගය අයිනේ සිට බස් රථ එනතුරු බලා සිටීමට සිදු විය. නව නැවතුම්පොළ මගින් ආරක්ෂිත සහ සෙවන සහිත ස්ථානයක් හිමි වී ඇත.